Azken eguneratzea: 2011/04/11
Higiezinak eskuratzeko eredu berriak
Mietshäuser Syndikat (alokairuko etxebizitzen sindikatua), higiezinak eskuratzeko aukerako eredu berri bat, jabetza pribatu gabe eta autokudeaketarekin
Nola funtzionatzen du? Etxebizitzak autokudeatzeko proiektu baten erabiltzaileek, Syndikat-ekin batera, lurraren eta eraikinen jabea izango den sozietate mugatu bat sortzen dute. Erabiltzaileek alokairua ordaintzen diote sozietateari eta etxebizitzaren interesak eta etxebizitzen finantzaketa eta administrazioa beren kontura da. Ez da berpribatizazioa onartzen.
Eta, finantzaketa? Kreditu zuzenen bitartez egiten da finantzaketa, hau da, pertsona pribatuek (lagunek, senide-taldeek, eta abar) sozietateari maileguak egiten dizkiote, interes-tasa oso onekin: % 0-3 artekoak. Epe luzera, amortizaziotik lortutako superabita proiektu berrietan inbertitzen da.
Zenbat esperientzia ezagutzen dira? Oraingoz 50 daude Alemania osoan banatuta. Ofizialki 1992tik egiten da (Friburgon sortu zen), kontzeptuak ondo funtzionatzen du eta Syndikat gero eta handiagoa da.
Berriaren iturritik eskura daiteke funtzionamenduaren azalpenak ematen dituen agiria, gaztelaniaz.
Etxebizitza eskuratzeko beste modu batzuei buruzko hainbat berri argitaratu dira Eraikalen:
- 2010eko ekainean Sostrecivic-i buruzko berri bat argitaratu zen; Sostrecivic etxebizitza eskuratzeko lantzen ari den eredua, denborarekin desegingo ez diren etxebizitza-kooperatibak eta kudeaketa oinarrian dituen eredu batean datza. 2011ko martxoan honako berri hau argitaratu da: “Erabilera-lagapena oinarrian duten etxebizitza-kooperatibak Espainiara iritsi dira” ; berri honek Eraikalen Sostrecivic-i buruz argitaratu zena eguneratzen du.
- 2010eko urtarrilean honako berri hau argitaratu zen: “Etxebizitzen trukea indartzen ari da salmenta-formula gisa eta, horri esker, higiezinen agentziek jarduera berri bat gara dezakete” . Eta gai horrekin erlazionatutako berri gehiago argitaratu dira. Adibidez, honako hau: Etxeen trukea, krisiaren aurreko konponbidea ; 2011ko apirilean argitaratu zen.
Iturria: Arquitecturas Colectivas , 2011/03/03