"NO_x-Activ" xaflak Noxite-rekin babestuta daude. Fotokatalisi bidez deskutsatzen duen TiO₂ agentea (titanio dioxidoa, anatasa moduan) oinarrian duen materiala da Noxite-a. Eguzki-irradiazioaren bitartez aktibatzen den deskutsatzeko sistema batean datza eta laborategian frogatu dute bere balioa (CNRS, Ikerketa Zientifikorako Zentro Nazionala, Frantzia). Noxite-ak eguzki-argiaren UVE izpien eraginpean dagoen "NO_x-Activ" xafla estaltzen du eta oxido poluitzaileak (NO_x) euri-uren bidez husten diren azpiproduktuetan deskonposatzen ditu. Horrela, 'NO_x-Activ' xafla duen 1.000 m²-ko estalki batean, urtean 4 kg NO_x suntsitzen ditu, eraikinaren latitudearen eta altueraren arabera. Katalizatzaile bat denez, Noxite-a ez da higatzen eta iragazgaitearen bizitza erabilgarri osoan betetzen du funtzio deskutsatzailea.

NO_x-Activ -ek web-orria du.

Eraikal-en NO_x suntsitzen duten hainbat produkturi buruzko berriak argitaratu dira:

• Auranox: aireko poluzioa garbitzen duen teila 
• Bionictile: airea deskutsatzen duen zeramika 
• Zoladura deskutsatzailea  titanio dioxidoa duten hormigoizko galtzada-harriak: titanio dioxidoa aireko nitrogeno oxidoak desagerrarazi eta eguzki-argiaren laguntzarekin erasorik egiten ez duten nitrato bihurtzen dituen material fotokatalitikoa da.
• PVTk atmosferako poluzioa murrizten duen zoladura bat aurkeztu du , Ecogranic sistemak fotokatalizatzaile bat darama bere kanpoko aurpegian. Argiaren aurrean erreakzionatu eta ibilgailuen errekuntzatik datozen oxido nitrosoak eta beste poluitzaile organiko batzuk, giza osasunerako zein ingurumenerako kaltegarriak ez diren partikula bihurtzen ditu.

Iturria: Alimarket , 2011/03/04