Mugikortasun jasangarriaren ohiturak eta guzti-guztientzako erabilerraztasuna sustatu nahian sortu du Eusko Jaurlaritzak honako "Informazio Atari" hau. "Web global"-tzat sortu da atari hau, hau da, sarean garraio-zerbitzuei buruz dagoen informazioa eskuratu ahal izateko. Funtsean, Web orrien bilatzailea da gure ataria; horiek kontsultatuz, eta garraiobide kolektiboen erabilera lehenetsiz, EAEko hiritarrek edo bisitariek joan-etorrien plangintza egin ahalko dute. Beraz, batik bat, garraiobide kolektiboei (autobusak, trenak, etab.) eta garraiobiderik jasangarrienei, zein norberaren ibilgailua ahalik eta modu jasangarrienean erabiltzeko baliabideei (aparkaleku gomendatuak, autoa partekatzea,...) buruzko Web orriak bilatzen laguntzen du atari honek.

Informazio atari honen bidez zuzenean hel zaitezke joan-etorrien antolatzailera. Tresna hori Eusko Jaurlaritza kide duen Euskadiko Garraio Agintaritzak jarri du abian

3 tresna edo bilatzaile erabiltzen dira atari honetan:

• EAEko garraio-erakundeen eta beste baliabide batzuen bilatzailea. “Erakundeak” diogunean, garraio-zerbitzuei buruzko informazioa kudeatzen duten garraioko operadore edo erakundeez ari gara, azken horiek, oro har, herri-administrazioak eta partzuergoak direla. “Garraioaren beste baliabide batzuk” terminoaren baitan, ondokoak bezalako zerbitzuak sartu ditugu: bizikleta-maileguak, taxiak, aparkaleku gomendatuak, erabilera publikoko igogailuak, autoa partekatzea...
• Herrien arteko joan-etorrien bilatzailea. EAE barruko udalerrien arteko edo EAEtik estaturako edo atzerriko beste herrialde batzuetarako joan-etorriak antolatzen laguntzen du. Bidaia-plan bat prestatu ahal da bilatzaileari esker, eta horretarako, joan-etorri jakin baterako kontsulta daitezkeen gutxieneko Web kopurua aukeratzen du.
• Hiri barruko joan-etorrien bilatzailea. EAEko udalerri baten barruan joan eta etortzeko dauden aukerak bideratzen ditu, eta horretarako, aukeratutako udalerri barruan bidaia-plana egiteko kontsultatu beharreko "Web" orriak hautatzen ditu.