Plangintza eta Lurraldeko Antolamendua

Euskadik kokapen geografiko paregabea du Pirinioetako igarobide atlantikoan, merkantzien joan-etorriei begira. Horrez gain, giltzarria da Europako garraio sarean.

Garraiobide guztiak aztertuz gero, errepideak erabateko lehentasuna du, gainerako aukeren aldean. Errepide bidezko merkantzia garraioari dagokionez, izugarri hazten ari da urtez urte (1994/1997 aldian = %57), eta kokapen geografikoaren ondorioz, iragaitzako trafikoak eragin handia du urte arteko bilakaeran.

Gaur egun, bidaiarien %80 eta merkantzien %67 garraiatzen dira errepidez, bidaiarien %19 eta zamen %2 garraiatzen dira trenez, eta %30 itsasontziz, Garraio Jasangarriaren Plan Zuzentzailean jasotako datuen arabera. Europa mailan, bidaiarien %79 errepidez garraiatzen dira; %6, trenez; eta %5, hegazkinez. Merkantziei dagokienez, ordea, %44 garraiatzen dira errepidez; %41, itsasontziz; %8, trenez; eta %3, hegazkinez.

Euskadiko gaur egungo garraiobideen sistemak eskumen sakabanatuak ditu, hon ako taula honetan jasotzen den bezala:
 

Sektore ekonomiko moduan, garraio eta logistika sektorea Euskadiko BPGren %12 da, eta 37.143 langilek lan egiten dute bertan. Europa mailan, berriz, Europako Batasuneko barne produktu gordinaren %10 da, eta 10 milioi lagunek lan egiten dute sektore horretan.